घरकुलबाबतचा ‘तो’ निर्णय रद्द करावा

घरकुलबाबतचा ‘तो’ निर्णय रद्द करावा: पिंपरी : शहर सुधारणा समितीने संमत केलेल्या घरकुल योजनेचा दुसरा टप्पा गुंडाळण्याचा निर्णय रद्द करावा, अशी मागणी भारतीय जनवादी युवा संघटनेने आयुक्त डॉ. श्रीकर परदेशी यांच्याकडे केली आहे.

गेल्या १५ दिवसांमध्ये स्वस्त घरकुल योजनेविषयी वातावरण कमालीचे गोंधळलेले आहे. डीवायएफआयच्या शिष्टमंडळाने गेल्या महिन्यामध्ये आपली भेट घेतली होती व दुसरा टप्पा व पहिला टप्पाच्या नियोजनाविषयी चर्चा केली होती. त्यानंतरच्या शहर सुधारणा समितीच्या सभेमध्ये घरकुल योजनेचा दुसरा टप्पा रद्द करण्याचा प्रस्ताव मंजूर करण्यात आला. मनपाने दुसरा टप्पा गुंडाळण्याचे जाहीर केले. त्यामुळे प्रतीक्षा यादीतील लाभार्थींची कधीही न भरून येणारी हानी झाली आहे, असे आयुक्तांना दिलेल्या निवेदनात म्हटले आहे.