खासगी बसवर रहाटणीत कारवाई

खासगी बसवर रहाटणीत कारवाई: - वाहतूक पोलिस : १३ हजारांचा दंड वसूल
रहाटणी : ‘लोकमत’वृत्ताची दखल घेत वाहतूक पोलिसांनी रहाटणी फाटा येथे बुधवारी रात्री १६ खासगी प्रवासी बसवर (ट्रॅव्हल्स) कारवाई करून १३ हजार ३00 रुपये दंड वसूल केला.

रहाटणी फाटा येथे खासगी बस मोठय़ा प्रमाणात उभ्या असतात. याचा त्रास येथील रहिवाशांसह वाहनचालकांना सहन करावा लागत आहे. या बसमुळे वाहतूक कोंडी होत असल्याने नागरिक त्रस्त झाले आहेत. याचीच दखल घेत ‘लोकमत’ने १९ जूनला ‘‘रहाटणी फाट्यावर प्रवाशी वाहतुकीचा अवैध बस थांबा, खासगी बसमुळे वाहतूक कोंडी’’ या मथळ्याखाली बातमी प्रसिद्ध केली होती. त्याची दखल वाहतूक पोलिसांनी घेत कारवाई केली.