घरफोडीच्या घटना वाढल्या

पिंपरी : चिंचवडमधील टपाल कार्यालयासह विविध ठिकाणी घडलेल्या चार घरफोडींच्या घटनेत चोरट्यांनी सुमारे ७ लाखांचा ऐवज लंपास केला. याप्रकरणी भोसरी, हिंजवडी, पिंपरी आणि चिंचवड पोलीस ठाण्यात गुन्हा दाखल करण्यात आला आहे. 
चिंचवडमधील चापेकर चौकात असलेल्या टपाल कार्यालयाचा कडी कोयंडा उचकटून चोरट्यांनी २0 हजार ६७८ रुपयांची रोकड लंपास केली. ही घटना शनिवारी रात्री साडेआठ ते रविवारी दुपारी एकच्या दरम्यान घडली. याप्रकरणी शंकर मुकिंदा मडेल (वय ५८, रा. नवी सांगवी) यांनी चिंचवड पोलीस ठाण्यात फिर्याद दिली आहे.