मतिमंद संगोपनासाठी मिळणार अर्थसाह्य

पिंपरी : महानगरपालिका हद्दीतील ५ वर्षांपुढील मतिमंदांचा सांभाळ करणारे पालक व संस्थांना महापालिकेतर्फे अर्थसहाय देण्याची योजना राबविण्यात येत आहे. सन २0१२-२0१३ या वर्षासाठी पात्र झालेल्या ७३२ लाभार्थींना एप्रिल ते सप्टेंबर २0१३ व ऑक्टोबर २0१३ ते मार्च २0१४ या कालावधीकरिता दरमहा एक हजार रुपयाप्रमाणे अर्थसहाय देण्यात येणार आहे. त्यासाठी सुमारे ८७ लाख ८४ हजार रुपये खर्चास स्थायी समिती सभेने मान्यता दिली. त्याचबरोबर सुमारे ७ कोटी ७२ लाख रुपये खर्चाच्या विविध विकासकामांनाही मंजुरी देण्यात आली. सभेच्या अध्यक्षस्थानी नवनाथ जगताप होते.