संस्कार जत्रेत ५२ शाळा सहभागी

पिंपरी : संस्कार जत्रा २0१४ मध्ये ५२ शाळांतील ४ हजारांवर विद्यार्थी सहभागी झाले. बक्षीस वितरण व श्री स्वामी विवेकानंद राज्यस्तरीय पुरस्कार वितरण समारंभ विश्‍वेश्‍वर ज्ञानदीप मंदिर, बिजलीनगर येथे पार पडला. 
महापौर मोहिनी लांडे, आमदार लक्ष्मण जगताप, ज्येष्ठ अभिनेत्री आशा काळे, अर्जुन ठाकरे, पिंपरी-चिंचवड इंजिनिअरिंगचे प्राचार्य ए. एम. फुलंबरकर, नगरसेवक चेतन भुजबळ, प्रतिष्ठानचे अध्यक्ष मोहन गायकवाड, सुभाष कलाल, हेमंत डांगे, सुनीता गायकवाड उपस्थित होते. सुरुवात गिरीजा प्रभू हिच्या ऐरणीच्या देवा या नृत्याने झाली. पुरस्कार वितरण आमदार जगताप व अभिनेत्री काळे यांच्या हस्ते झाले.