अवकाळी पाऊस पडल्याने अपघातच... अपघात !

उद्योगनगरीत आज, (सोमवारी) सायंकाळी झालेल्या अवकाळी पावसामुळे पुणे-मुंबई महामार्गावर ठीकठिकाणी ब-याच वाहनांचे अपघात झाले. पावसाचे पाणी आणि रस्त्यावर पडलेले ऑईल यावरुन एक ट्रक, एक कंटेनर, एक छोटा टेम्पो, दोन कार आणि चार दुचाकी वाहने घसरून अपघात झाले. त्यात सुदैवाने कोणी गंभीर जखमी झाले नसून वाहनांचे खूप नुकसान झाले. पिंपरीतील मोरवाडी आणि कासारवाडीतील सॅन्डविक कंपनीसमोर हे अपघात घडले.