‘स्वीकृत’ नावात कदापि बदल नाही

पिंपरी -  महापालिकेच्या स्वीकृत सदस्यपदासाठी भारतीय जनता पक्षाने यापूर्वी दिलेलीच नावे कायम राहतील, त्यात कुठलाही बदल कदापि होणार नाही, अशी ग्वाही खुद्द मुख्यमंत्री देवेंद्र फडणवीस यांनी दिल्याची माहिती खासदार अमर साबळे यांनी मंगळवारी (ता. १६) ‘सकाळ’ला दिली. दरम्यान, पिंपरी-चिंचवड भारतीय जनता पक्ष कार्यालयातील फलकावर काळे फासणारे आणि पुतळे जाळणाऱ्यांवर कठोर कारवाईचे आदेश प्रदेशाध्यक्ष रावसाहेब दानवे यांनी दिले आहेत, असेही साबळे यांनी सांगितले.