पालिका हद्दीतून जाणाऱ्या महामार्गांलगत मद्यविक्रीला परवानगी

उच्च न्यायालयाच्या नागपूर पीठाचा अंतरिम आदेश
परवान्यांचे नूतनीकरण झालेल्यांना व्यवसाय सुरू करता येणार

नागपूर – राज्यात पालिका हद्दीतून जाणाऱ्या महामार्गांलगत मद्यविक्री करण्याला आज मुंबई उच्च न्यायालयाच्या नागपूर पीठाने परवानगी दिली. हा अंतरिम आदेश 2017-18 या आर्थिक वर्षासाठी परवान्यांचे नूतनीकरण करून घेतलेल्या मद्यविक्री दुकानांना लागू होणार आहे. त्यामुळे परवान्यांचे नूतनीकरण झालेल्या मद्यविक्री दुकानांना व्यवसाय सुरू करता येणार आहे. याप्रकरणी पुढील सुनावणी 5 सप्टेंबरला होणार आहे. त्यावेळी राज्य सरकार बाजू मांडणार आहे.