शहरात धावणार पाच हजार सीएनजी स्कूटर

पिंपरी - आतापर्यंत चारचाकी वाहनांना उपलब्ध असणारी सीएनजीची सुविधा आता दुचाकी स्कूटरला उपलब्ध होणार आहे. पिंपरी-चिंचवड आणि पुणे शहरातील पाच हजार स्कूटर्सना सीएनजी कीट बसविण्याचा उपक्रम महाराष्ट्र नॅचरल गॅस लिमिटेड कंपनीने हाती घेतला आहे. या उपक्रमाचे उद्‌घाटन शुक्रवारी (ता. २४) केंद्रीय पेट्रोलियम मंत्री धर्मेंद्र प्रधान यांच्या हस्ते होणार आहे.