प्लॅस्टिकमुक्त पिंपळे सौदागर फेरीला नागरीकांचा प्रतिसाद

नवी सांगवी : रोजलँड सोसायटी, नवचैतन्य ग्रुप आणि सिनियर सिटीझन ग्रुप यांच्या संयुक्त विद्यमाने सुरू करण्यात आलेल्या प्लॅस्टिकमुक्त पिंपळे सौदागर' या मोहिमेला पिंपळे सौदागरवासीयांकडून सकारात्मक प्रतिसाद मिळत आहे. या मोहिमेअंतर्गत नागरिकांमध्ये जनजागृती करण्याच्या उद्देशाने रविवारी (ता. १०) रोजी परिसरात भव्य जनजागृती रॅलीचे आयोजन करण्यात आले होते. यामध्ये नगरसेवक शत्रुघ्न काटे, नगरसेविका निर्मला कुटे, यशदा रियाल्टी ग्रुप व्हा. चेअरमन संजय भिसे, रोजलँड सोसायटी चेअरमन संतोष मस्कर, पिंपळे सौदागर मधील विविध सोसायटीचे कमिटी मेंबर्स, सिनियर सिटीझन असोसिएशन मेंबर्स, चैतन्य हास्य क्लब सदस्य, महिला आणि इतर नागरिक मोठ्या संख्येने सहभागी झाले होते.