पिंपळे सौदागर होणार सिग्नल फ्री

स्मार्ट होण्याच्या दिशेने अग्रेसर ः लवकर सुरू होणार ग्रेड सेपरेटर व सब वे चे काम

पिंपळे सौदागर, (वार्ताहर) – शहर स्मार्ट होण्याच्या दिशेने वाटचाल करत असताना सर्वांच्या नजरा खूपचे वेगाने नियोजित झालेल्या उच्चभ्रू पिंपळे सौदागरकडे वळतात. स्मार्ट होण्याच्या प्रक्रियेत पिंपळे सौदागर अग्रेसर असल्याचे दिसून येत आहे. पिंपळे सौदागरला सिग्नल फ्री बनविण्याचे स्वप्न ही लवकरच पूर्ण होईल असे आता वाटू लागले आहे. चिंचवड विधानसभेचे आमदार लक्ष्मणजगताप यांच्या प्रेरणेने आणि नगरसेवक शत्रुघ्न काटे व नगरसेविका निर्मला कुटे यांच्या पाठपुराव्यामुळे गोविंद यशदा चौक, सुदर्शन नगर चौक तसेच कोकणे चौक येथे पादचाऱ्यांसाठी तसेच वाहतुकीच्या दृष्टीने सिग्नल फ्री पिंपळे सौदागर करण्याच्या दृष्टीने ग्रेड सेपरेटर तसेच सब वे चे काम लवकरात लवकर सुरू करण्यात येणार असल्याचे अधिकृत रित्या सांगण्यात आले आहे.