पिंपरी-चिंचवडमध्ये वाहनांची तोडफोड

वाहन तोडफोडीचे सत्र पिंपरी-चिंचवडमध्ये अद्याप थांबलेले नाही. सोमवारी रात्री साडेदहा वाजता मोहनगर-रामनगरमधील सैनिक वसाहतीतील परिसरात टोळक्याने सहा गाड्यांची तोडफोड करून काही घरांच्या काचाही फोडल्या. पिंपरी पोलिस ठाण्याचे वरिष्ठ निरीक्षक डॉ. विवेक मुगळीकर यांनी घटनास्थळी धाव घेत घटनास्थळावरूनच दोघांना या प्रकरणी अटक केली. तर त्यांचे साथीदार पसार झाले आहेत.