‘झोनिपू’मध्ये “बोगसगिरी’

• प्रशासन आक्रमक : …तर मूळ मालकांवर होणार कारवाई

पिंपरी, (प्रतिनिधी) – चिखली येथील घरकुल प्रकल्पात मूळ लाभार्थिंनी स्वतःची घरे भाड्याने दिल्याच्या तक्रारी महापालिकेच्या झोपडपट्टी निर्मूलन आणि पुनर्वसन विभागाकडे प्राप्त झाल्या होत्या. त्यानुसार “झोनिपू’च्या पथकाने केलेल्या तपासणीत घरकुल प्रकल्पात भाडेकरु, नातेवाईक आणि बंद घरे आढळून आली आहेत. त्यामुळे घरकुल प्रकल्पातील मूळ मालकांना नोटीस बजावून त्यांचा खुलासा मागवण्यात येणार आहे. तसेच, संबंधितांवर कारवाई करण्यात येणार आहे, असे संकेत महापालिका प्रशासनाने दिले आहेत.