अवैध धंद्यावर कारवाई

पिंपरी, (प्रतिनिधी) – पिंपरी, संततुकारामनगरमधील लॉटरी सेंटरच्या नावाखाली सुरु असलेल्या मटका धंद्यावर पिंपरी पोलिसानी सोमवारी (दि.8) कारवाई केली. रिपाइंचे अल्पसंख्यांक आघाडीचे शहराध्यक्ष खाजाभाई शेख यांनी पोलिसांच्या या कारवाईचे स्वागत केले. याबाबत संततुकाराम नगर पोलिस चौकीत अभिनंदनाचे पत्र दिले. संत तुकारामनगर येथे अग्निशामक केंद्रानजीक लॉटरी सेंटर सुरु आहे. या लॉटरी सेंटरच्या नावाखाली अवैधरित्या मटका सुरु असल्याची तक्रार नागरिकांनी केली होती. याची दखल घेत पिंपरी पोलिसांनी ही कारवाई केली.