पिंपरी महापालिकेत शिक्षक भरतीत घोटाळा

पारदर्शक कारभाराचा डंका वाजवित पिंपरी-चिंचवड महापालिकत सत्तेत आलेल्या भारतीय जनता पार्टीच्या कारभारात शिक्षण विभागात 16 शिक्षकांना महापालिकेत  वर्ग करण्यासाठी लाखो रुपयांचा घोटाळा करण्यात आल्याचे विश्‍वसनीय वृत्त आहे. महापालिकेतील भाजपच्या एका उच्चपदस्थ नेत्याने भाजपच्या दोनही आमदारांना अंधारात ठेऊन हा ‘डाव’ साधला असल्याची जोरादार चर्चा महापालिका वर्तुळात आहे. शिक्षण विभागाचे प्रशासन अधिकारी बी. एस. आवारी यांनी मात्र; आयुक्तांच्या परवानगीनेच हे शिक्षक वर्ग केल्याचा दावा करतानाच लाखो रुपयांच्या ‘डिल’बाबत आपणाला काही माहीत नसल्याचे सांगत कानावर हात ठेवले आहेत.