औषधांच्या किमतीत पाच टक्‍क्‍यांनी वाढ

पुणे - तुम्हाला नियमित लागणाऱ्या औषधांवरील खर्चात या महिन्यापासून ३.४ टक्‍क्‍यांनी वाढ होणार आहे. या वाढलेल्या ‘एमआरपी’वर वस्तू व सेवाकर (जीएसटी) लावून खर्चाचा हा आकडा सुमारे पाच टक्‍क्‍यांपर्यंत वाढण्याची शक्‍यता आहे. म्हणजे तुमच्या मधुमेह, उच्च रक्तदाबाच्या औषधांवर दरमहा होणारा तीन हजारांचा खर्च आता ३ हजार १५० रुपयांपर्यंत जाईल, अशी माहिती पुढे आली आहे.