पिंपरी - पुणे-मुंबई द्रुतगती मार्गाजवळील गहुंजे गावाचा प्रवास ‘गाव ते शहर’ असा सुरू झाला आहे. एकीकडे विस्तारलेले शेती क्षेत्र आणि गावाचा ग्रामीण चेहरा दिसतो, तर दुसरीकडे उंच इमारती गावाच्या शहरीकरणाकडे होत असलेल्या वाटचालीकडे लक्ष वेधतात. गहुंजे स्टेडियममुळे गावाची आंतरराष्ट्रीय पातळीवर निर्माण झालेली ओळख, निर्मलग्राम आणि तंटामुक्त गाव पुरस्कार, आयएसओ मानांकन असलेली ग्रामपंचायत या ठळक बाबी गावाचे वेगळेपण नजरेस आणतात. आता ग्रामस्थांना विकासाचे वारे हवे आहे. त्यासाठी पिंपरी-चिंचवड महापालिकेत समाविष्ट होण्यास ग्रामस्थ अनुकूल आहेत.
No comments:
Post a Comment