वृक्षतोड प्रकरणी ‘मे ब्लू स्काय मीडिया’ आणि ‘धिरेंद्र ग्रुप’वर कारवाईची मागणी; ब्लू स्काय मीडीयाने आरोप फेटाळले

पिंपरी (Pclive7.com):- ‘मे ब्लू स्काय मीडिया’ आणि ‘धिरेंद्र ग्रुप’ या जाहिरात कंपनीने शहरातील अनेक ठिकाणी जाहिरातीचे फलक लावले आहेत. तसेच फलक उभे करताना झाडांचा अडथळा येत असल्याने मे ब्लु मीडिया या कंपनीने भक्ती -शक्ती येथील ३ वृक्षांची तोड केली आहे. तसेच पिंपरीतील मोरवाडी चौकातील आहिल्यादेवी पुतळ्याच्या पाठीमागे धिरेंद्र ग्रुप या कंपनीने जाहिरात फलक लावण्यासाठी ४ मोठ्या वृक्षांची तोड केली आहे. या प्रकरणाची चौकशी करुन वरील दोन्ही कंपनीवर कायदेशीर कारवाई करण्यात यावी, अशी मागणी डॉ. बाबासाहेब आंबेडकर ग्रुपचे सतीश कदम यांनी महापालिका आयुक्तांकडे केली आहे.