बीआरटीएस मार्ग तातडीने सुरू करण्याची मागणी

पिंपरी-चिंचवड महानगरपालिकेने बस रॅपिड ट्रान्झिट सिस्टिम अर्थात बीआरटीएस प्रकल्प हाती घेतला. सुरुवातीला मोठा गाजावाजा झाला. परंतु, मागील अडीच वर्षात बीआरटीएस प्रकल्पांकडे महानगरपालिका प्रशासनाचे पूर्णत: दुर्लक्ष झाले आहे. काळेवाडी फाटा ते देहू-आळंदी रस्ता हा बीआरटीएस मार्ग सुरू करण्यामागील प्रमुख अडथळा चिंचवड येथील एम्पायर इस्टेट उड्डाणपुलाचा होता. हा उड्डाणपूल सुरू झाल्याने महापालिकेने हा रखडलेला काळेवाडी फाटा ते देहू-आळंदी बीआरटीएस मार्ग तातडीने सुरू करावा, अशी मागणी भाजपा प्रदेश कार्यकारिणी सदस्य अमित गोरखे यांनी आयुक्त श्रावण हर्डीकर यांच्याकडे निवेदनद्वारे केली आहे.