गैरप्रकारांमुळे “बर्ड व्हॅली’ बदनाम

पिंपरी – महापालिकेने आतापर्यंत कोट्यवधी रुपये खर्च करून बर्ड व्हॅलीसारखे शहरातील उत्कृष्ट असे पर्यटन केंद्र विकसित केलेले आहे. परंतु, हे पर्यटन केंद्र गुन्हेगारीशी संबधित घटना व दैनंदिन होणाऱ्या गैरप्रकारांमुळे बदनाम होत आहे, असे पिंपरी-चिंचवड महापालिकेच्या अ प्रभागाच्या अध्यक्षा व नगरसेविका अनुराधा गोरखे यांनी म्हटले आहे. तसेच, हे गैरप्रकार रोखण्यासाठी महानगरपालिका प्रशासन व पोलीस यंत्रणेने योग्य उपाययोजना कराव्यात, अशी मागणी त्यांनी केली आहे.