दुबार होणार 'डीबार'

जिल्ह्यातील सुमारे चार लाख दुबार मतदार वगळले जाणार?

पुणे : पुणे शहरातील आठ, जिल्ह्यातील दहा आणि पिंपरी-चिंचवडमधील तीन अशा २१ विधानसभा मतदारसंघांमध्ये मतदारयादीत नाव असतानाही पुणे जिल्ह्याबरोबरच राज्यामधील अन्य जिल्ह्यांतील मतदारसंघांमध्ये नावे असणाऱ्यांचा निवडणूक विभागाने पहिल्यांदाच शोध लावला आहे. अशी दुबार नावे असणारे तीन लाख ८८ हजार ९२३ मतदार आढळून आले आहेत. संबंधित दुबार मतदारांना एकाच ठिकाणी नाव ठेवण्यासाठी संधी दिली जाणार असून, त्यानंतरही त्यांनी नाव वगळण्याबाबतचे अर्ज न भरल्यास त्यांची नावे मतदारयादीतून वगळण्यात येणार आहेत. त्यामुळे पुण्यात राहत असताना, मतदानासाठी मूळ गावी जाणाऱ्यांना कायमची चाप बसणार आहे.