पुनरुत्थान समरसता गुरुकुलमला "अच्छे दिन'

पिंपरी (पुणे)- गेल्यावर्षी सप्टेंबर महिन्यात एक लाखांचे वीजबिल न भरल्यामुळे चिंचवडगाव येथील चाफेकर स्मारक समितीच्या पुनरुत्थान समरसता गुरुकुलम या निवासी आश्रमशाळेचा वीज पुरवठा महावितरणने खंडित केला होता. ही संस्था अडचणीत सापडल्याची बातमी (23 सप्टेंबर2017) दै. सकाळमध्ये प्रसिद्ध झाली. या बातमीची दखल एका खासगी कंपनीने घेत 15 लाख रुपयांचा सौरउर्जेचा प्रकल्प या संस्थेला भेट दिला. दरमहा चाळीस हजारांची वीजबचत होत असल्याने आता गुरुकुलमला "अच्छे दिन' आले आहेत.