हिंजवडीच्या रिस्ट्रक्चरिंगची गरज

आयटी-बीटी हब हिंजवडीसाठी २००३ साली स्वतंत्र पोलिस ठाण्याची निर्मिती करण्यात आली आहे. आयटी आणि बीटी मिळून येथे १७० कंपन्या आहेत. यामध्ये दररोज साडे तीन लाख आयटीयन्स आणि उच्चशिक्षित तरुण-तरुणी नोकरीसाठी शहरातील विविध भागातून येतात. तसेच सर्व्हिस इंडस्ट्री आणि अन्य लाखभर लोक नोकरीसाठी हिंजवडीत येतात. नव्या आयुक्तालयात हिंजवडी पोलिस ठाण्याचा समावेश होताना सध्याच्या तीन चौक्यांपैकी दोन चौक्या पुणे आयुक्तालयाला जोडल्या जाणार आहेत. एकतर यासाठी बावधन पोलिस ठाण्याची निर्मिती केली जाऊ शकेत किंवा चतुःश्रृंगी पोलिस ठाण्याला हा भाग जोडला जाऊ शकतो.