‘गुगल’ देणार मराठीला उभारी

प्रादेशिक भाषेतील साहित्याची, विशेषत: मराठी साहित्याची वाढती मागणी लक्षात घेऊन 'गुगल'ने मराठी साहित्यिक आणि लेखकांसाठी इंटरनेटच्या माध्यमातून एका अभिनव उपक्रमाची आखणी केली आहे. इंटरनेटमार्फत आपले साहित्य आणि पुस्तके पोहोचवू पाहणाऱ्या लेखक आणि प्रकाशकांना गुगलतर्फे मार्गदर्शन करण्यात येणार आहे. यासाठी 'गुगल सर्च संमेलन' या उपक्रमाची सुरुवात करण्यात येणार असून, त्याचा पहिला टप्पा म्हणून येत्या २२ जून रोजी गुगलतर्फे पुण्यात कार्यशाळेचे आयोजन करण्यात आले आहे. मराठीसाठी आवश्यक गुगल्सच्या विविध फिचर्स संदर्भात या कार्यशाळेत माहिती दिली जाईल.