बंद केलेले 27 पैकी 17 मार्ग पुन्हा सुरू

– पीएमपी : पुरेशी पर्यायी व्यवस्था नसलेल्या मार्गांना प्राधान्य

पुणे – पीएमपीच्या काही मार्गांवर उत्पन्न मिळत नसल्याचे कारण देत गेल्यावर्षी शहर व परिसरातील 27 मार्ग बंद करण्यात आले होते. आर्थिक भार कमी करण्यासाठी तत्कालीन अध्यक्ष तुकाराम मुंढे यांनी हा निर्णय घेतला होता. मात्र, त्यांच्या बदलीनंतर प्रशासनाने निर्णय बदलला असून 27 पैकी 17 मार्ग पुन्हा सुरू करण्यात आले आहेत. तर अत्यल्प उत्पन्न असलेले 10 मार्ग अजूनही बंद आहेत.