स्वेच्छानिवृत्ती कर्मचार्‍यांचा महापौरांच्या हस्ते सत्कार

पिंपरीः पिंपरी-चिंचवड महानगरपालिका सेवेतून नियत वयोमानानुसार सेवानिवृत्त झालेल्या 20 तसेच स्वेच्छा निवृत्ती घेतलेल्या 12 अशा एकूण 32 अधिकारी व कर्मचार्‍यांचा आज महापौर नितीन काळजे यांच्या हस्ते पुस्तक, गुलाबाचे फूल व स्मृतिचिन्ह, तसेच सेवा उपदान अंशराशीकृत धनादेश सुपूर्द करुन त्यांचा सन्मान करण्यात आला. स्थायी समिती सभागृहात झालेल्या या कार्यक्रमास उपमहापौर शैलजा मोरे, सत्तारुढ पक्षनेते एकनाथ पवार, स्विकृत सदस्य मोरेश्‍वर शेडगे, कामगार कल्याण अधिकारी प्रमोद जगताप, कर्मचारी महासंघाचे बालाजी अय्यंगार आदी उपस्थित होते.