एमएसआरडीसीच्या रिंगरोडची आखणी अंतिम टप्प्यात - मुख्यमंत्री

पुणे - पुणे जिल्ह्यात दोन रिंगरोड होणार असल्याचे स्पष्ट झाले आहे. महाराष्ट्र राज्य रस्ते विकास महामंडळाच्या (एमएसआरडीसी) रिंगरोडच्या फेरआखणीचे काम अंतिम टप्प्यात असून, ते झाल्यानंतर भूसंपादनाचा प्रस्ताव तयार करण्यात येईल, असे मुख्यमंत्री देवेंद्र फडणवीस यांनी विधानसभेत स्पष्ट केले. त्यामुळे पीएमआरडीएबरोबरच एमएसआरडीसीचा रिंगरोड होण्याचा मार्ग मोकळा झाला आहे.