महावितरण देणार वीज दरवाढीचा शॉक

पुणे - एकीकडे बेस्ट, टाटा आणि रिलायन्स कंपन्या वीजदर कपातीचे धोरण राबवीत असताना, दुसरीकडे महावितरणने मात्र महसुली उत्पन्नातील तोटा भरून काढण्यासाठी वीज दरवाढीचा प्रस्ताव वीज नियामक आयोगासमोर मांडला आहे. त्यानुसार घरगुती वापरासाठी 5 टक्के, तर कृषीसाठी 35 टक्के, तर वाणिज्यसाठी सरासरी 15 टक्के इतक्‍या मोठ्या दरवाढीचा प्रस्ताव ठेवला आहे. या प्रस्तावाची सुनावणी वीज नियामक आयोगापुढे होणार असून, त्यानंतर महावितरणच्या ग्राहकांना वीज दरवाढीचा शॉक बसणार आहे.