खड्ड्यांमध्ये वृक्षारोपण करून निषेध

मळेकर वस्ती ते किवळे गावठाण रस्त्याची दुरवस्था

पिंपरी-चिंचवड : किवळे-रावेतहून मळेकर वस्ती ते किवळे गावठाणकडे जाणार्‍या रस्त्याची चिखलामुळे व खड्ड्यांमुळे दुरवस्था झाली आहे़ वाहनचालक व स्थानिकांना जीव मुठीत धरून ये-जा करावी लागत आहे. चिखलामुळे दुचाकी घसरून तसेच खड्ड्यांचा अंदाज न आल्याने आदळून अपघात होत आहेत. गेल्या पंधरवड्यात रस्त्यावरील चिखल व खड्डे दुरुस्तीसाठी महापालिकेकडून कार्यवाही झालेली नाही. त्यामुळे स्थानिक ग्रामस्थ व वाहनचालक त्रस्त झाले आहेत़  या रस्त्यावरील चिखलाचा थर काढून सर्व खड्डे बुजवून रस्ता दुरुस्ती करावी, अशी मागणी होत आहे. प्रशासनाचे दुर्लक्ष झाल्याने खड्डेमय रस्त्यात वृक्षारोपण करण्यात आले.