घरचे पदार्थ मल्टिप्लेक्सला वर्ज्यच!

'सार्वजनिक ठिकाणी लोक घरचे पदार्थ खातात. त्या वेळी सुरक्षेचा प्रश्न निर्माण होत नाही का? मग केवळ सिनेमागृहात घरचे पदार्थ खाण्यास बंदी का,' असा सवाल करून मुंबई उच्च न्यायालयाने बुधवारी राज्य सरकारला फटकारल्याने मल्टिप्लेक्सच्या मुद्द्यावर धरसोड भूमिका घेणाऱ्या सरकारची कोंडी झाली. न्यायालयाने मल्टिप्लेक्स चालकांनाही फटकारले असले, तरी मल्टिप्लेक्समध्ये घरगुती पदार्थ नेण्यास परवानगी किंवा तेथील खाद्यपदार्थांच्या दराबाबत कोणताही आदेश दिला नसल्याने या मुद्द्यावरून संभ्रम कायम राहिला आहे. यामुळे शहरातील बहुतांशी मल्टिप्लेक्समध्ये बुधवारी 'जैसे थे' परिस्थिती कायम होती.