शिक्षक वर्गीकरणाचा महापालिका तिजोरीवर “भार’

पिंपरी – पिंपरी-चिंचवड महापालिकेने राज्य शासनाच्या 2017 च्या निकषानुसार शिक्षक पती-पत्नी एकत्रीकरण आणि एकतर्फी बदली सेवा वर्गीकरणाचा निर्णय घेतला आहे. या निर्णयानुसार महापालिकेच्या हद्दीबाहेरच्या शाळेतील मोठा पगार घेणारा शिक्षक पालिकेच्या शाळेत आल्यास त्याच्या मासिक वेतनाचा भार पालिकेच्या तिजोरीवर पडणार आहे. मुख्याध्यापकांच्या 6 आणि शिक्षकांच्या 124 पदांवर शिक्षकांचे वर्गीकरण होणार आहे. या शिक्षकांच्या वेतनावर होणाऱ्या खर्चाचा भार महापालिका तिजोरीवर पडणार आहे.