आकुर्डीतील डॉ. आंबेडकर सांस्कृतिक केंद्र धूळखात

पिंपरी – शहरातील आकुर्डी येथील विवेकनगर परिसरात असलेल्या पिंपरी-चिंचवड महापालिकेच्या डॉ. बाबासाहेब आंबेडकर सांस्कृतिक केंद्राची दूरवस्था झाली आहे. मद्यपींनी याठिकाणी कब्जा केला असून परिसरात बाटल्यांचा खच जमा झाला आहे. महापालिकेने लाखो रूपयांचा खर्च करून इमारतीचे काम केले आहे. मात्र, याठिकाणी सुरु असलेल्या गैरकारभाराबाबत स्थानिक संताप व्यक्त करत आहेत.