आंद्रा, भामाचा प्रस्ताव मंजूर

पिंपरी - आंद्रा व भामा आसखेड धरणांतून पिंपरी-चिंचवड शहरासाठी २.६६ अब्ज घनफूट (टीएमसी) पाणी देण्याच्या महापालिकेच्या फेरप्रस्तावाला पाच मंत्र्यांच्या उपसमितीने मंजुरी दिली आहे. येत्या दोन-तीन वर्षांत शहराला मिळणाऱ्या पाणीपुरवठ्यात एक टीएमसीने वाढ झाल्यास त्याचा फायदा सध्या पाणीटंचाईने हैराण झालेल्या व सध्या वेगाने विकसित होत असलेल्या शहराच्या पूर्व भागातील लोकांना होईल.