झिरो टू हिरो पुस्तकाची तिसरी आवृत्ती दुबईमधून प्रकाशित : भोसरीतील उद्योजकांची उत्तुंग भरारी

गल्फ महाराष्ट्र फोरमने आयोजित केलेल्या महाबीज 2018 या मराठी उद्योजकांच्या आंतरराष्ट्रीय परिषदेत झिरो टू हिरो या पुस्तकाच्या तिस-या आवृत्तीचे प्रकाशन महाराष्ट्र राज्याचे उद्योग मंत्री सुभाष देसाई यांच्या हस्ते करण्यात आले. हा पुस्तक प्रकाशाचा कार्यक्रम दुबईमधील जे एम मेरीएट येथे शनिवारी (दि. 13) झाला. अतिशय प्रतिकूल परिस्थितीवर मात करत काही उद्योजकांनी आपापल्या क्षेत्रात अलौकिक ठसा उमटवला आहे, त्यांच्या यशोगाथा या पुस्तकातून समाजासमोर मांडण्यात आल्या आहेत.