नवरात्रीमुळे मिरची, राजगिऱ्याला मागणी वाढली

पिंपरी – नवरात्रीनिमित्त मोशीतील नागेश्‍वर महाराज उपबाजारात राजगिरा व मिरचीची मोठी आवक झाली. बटाट्याची आवक घटली आहे. तर रताळी व भुईमूग शेंगांची आवक वाढली आहे. याशिवाय कोथिंबीरीची ावक वाढूनही भाव मात्र चढेच आहेत. फळभाज्यांची एकूण आवक 1 हजार 25 क्विंटल झाली असून, पालेभाज्यांची आवक 20 हजार 428 गडड्या एवढी झाली आहे. फळभाज्यांची आवक 38 क्विंटलने तर पालेभाज्यांची आवक 4 हजार 928 गडड्यांनी वाढली आहे.