पिंपरी–चिंचवड शहरातील कचरा गोळा करणाऱ्या ठेकेदारांना काळ्या यादीत टाका – दत्ता साने

चौफेर न्यूज – पिंपरी – चिंचवड शहरातील घरोघरचा कचरा गोळा करुन तो मोशी डेपो येथे डपिंग करणे, या कामाचा कालावधी २०१६ ला संपला असतानाही वेळोवेळी निविदा प्रक्रीया टाळून सबंधित अधिकारी व भाजपा पदाधिकाऱ्यांनी आर्थिक हित जोपासत महापालिकेचे आर्थिक नुकसान केले आहे. या निविदेमध्ये महापालिकेचे सुमारे ८४ कोटी ५१ लाखांचे नुकसान झाले आहे. तरी, मागील स्थायी समिती तसेच वाढीव निविदा काढणारे संबधित अधिकारी यांच्यावर फौजदारी गुन्हा दाखल करण्यात यावा, तसेच संबंधीत ठेकेदारांना काळ्या यादीत टाकावे, अशी मागणी पिंपरी – चिंचवड महापालिकेचे विरोधी पक्षनेता दत्ता साने यांनी मुख्यमंत्र्यांकडे मागणी केली आहे. या संदर्भात, महापालिका आयुक्त श्रावण हर्डीकर यांना निवेदन देण्यात आले आहे.