300 अनधिकृत फलक काढण्यासाठी दीड कोटी

पिंपरी – पिंपरी-चिंचवड महापालिकेच्या वतीने शहरात केलेल्या सर्व्हेक्षणात आतापर्यंत एकूण 300 अनधिकृत फलक आढळले आहेत. त्यासाठी एक कोटींचा ठेका यापूर्वीच दिला आहे. मात्र, सर्व्हेक्षणानंतर आढळलेल्या 300 फलक हटविण्यासाठी येणाऱ्या आणखी 50 लाख रुपयांच्या वाढीव खर्चाला स्थायी समितीने मान्यता दिली. सोमवारी (दि. 5) पार पडलेल्या स्थायी सभेच्या अध्यक्षस्थानी ममता गायकवाड होत्या.