भाजपा मावळ, शिरुरसाठी ‘अटल’ की दबावतंत्र

भारतीय जनता पार्टीच्या वतीने पिंपरी-चिंचवड शहरात प्राधिकरणातील धिंग्रा मैदानात शनिवारी (दि. 3) मावळ व शिरुर लोकसभा मतदारसंघासाठी अटल संकल्प महासंमेलन आयोजित करण्यात आले होते. या संमेलनात भाजपने या दोन मतदारसंघात आपली ताकद दाखवितानाच राज्यात लोकसभा व विधानसभा मदारसंघांसाठी युती करण्यासाठी अप्रत्यक्षरित्या शिवसेनेवर दबाव आणण्याची खेळी मुख्यमंत्री देेवेंद्र फडणवीस व भाजपचे प्रदेशाध्यक्ष खासदार रावसाहेब दानवे यांनी केली आहे. या दबावाला शिवसेना बळी पडते की युती करुन सामंजस्याने जादा जागा पदरात पाडून घेते हे येणारा काळच सांगणार आहे.