पिंपरीतील मिळकतींमध्ये दहा वर्षांत दुपटीने वाढ

पिंपरी : वेगाने नागरिकीकरण होत असलेल्या पिंपरी-चिंचवड शहरातील मिळकतींची संख्या पाच लाखांच्या घरात पोहोचली आहे. मिळकतींची संख्या गेल्या दहा वर्षांत जवळपास दुपटीने वाढली आहे. पुण्या-मुंबईच्या जवळचे शहर, चांगल्या सुविधा, प्रशस्त रस्ते, राहण्यायोग्य आणि व्यवसाययोग्य मुबलक सुविधा शहरात असल्याने नागरिकांची पिंपरी-चिंचवडला अधिक पसंती मिळत आहे. दुसरीकडे वाढते नागरिकीकरण व लोकसंख्येमुळे शहरातील नागरी सुविधांवर ताण पडत असल्याचे चित्रही समोर आले आहे.