“धन्वंतरी’साठी क्षेत्रीय कार्यालये उदासीन

पिंपरी- पिंपरी-चिंचवड महापालिकेच्या वतीने आस्थापनेवरील कर्मचारी व सेवानिवृत्त कर्मचाऱ्यांसाठी धन्वंतरी स्वास्थ योजना लागू केली आहे. मात्र, महापालिकेच्या सर्वच क्षेत्रीय कार्यालयांतर्गत असलेल्या सुमारे 70 टक्के कर्मचारी व त्यांच्यावर अवलंबून असलेल्या सदस्यांची नावेच वैद्यकीय विभागाला सादर केली नसल्याची धक्कादायक बाब समोर आली आहे. आणीबाणीच्या काळात एखाद्या कर्मचाऱ्याची गैरसोय झाल्यास त्याला संबंधित शाखा प्रमुखाला जबाबदार धरले जाणार आहे. आरोग्य वैद्यकीय अधिकारी डॉ. के. अनिल रॉय यांनी याबाबतचे परिपत्रक काढले आहे. सर्व शाखा प्रमुखांना या परिपत्रकाद्वारे इशारा दिला आहे.