महापालिका कंत्राटी कामगारांच्या हाती

पिंपरी – महापालिकेच्या विविध विभागांमध्ये कंत्राटी व मानधन तत्वावर कर्मचारी नेमणूक मोठ्या प्रमाणावर करण्यात आली आहे. यामध्ये 4 हजार 347 कर्मचारी हे कंत्राटी तत्त्वावर; तर 815 कर्मचारी मानधन तत्त्वावर महापालिकेत कार्यरत आहेत. ही संख्या एकून कर्मचाऱ्यांच्या 39 टक्के एवढी आहे. त्यामुळे महापालिकेतील सुरक्षित वाटणारी कायमस्वरुपी नोकरी सुशिक्षित बेरोजगारांसाठी आता दिवास्वप्न ठरले आहे. मात्र, या कंत्राटी कामगारांना किमान वेतनही मिळणे अवघड झाले आहे.