पीएमपीएमएलमधून पीसीएमटी वेगळी करण्यासाठी मुख्यमंत्र्यांना विनंती – महापौर राहुल जाधव

चौफेर न्यूज –  पीएमपीएमएल मध्ये पिंपरी चिंचवड महापालिकेचा ४० टक्के हिस्सा आहे. तरी देखील आमच्या कर्मचाऱ्यांना दुय्यम वागणूक मिळते, त्यांची सेवाज्येष्ठता डावलली जाते. पिंपरी चिंचवडमध्ये नेहमी जुन्या बस आढळून येतात तसेच बसेसची संख्या देखील अपुरी असते. पीएमपीएमएलचे अधिकारी आमच्या नगरसेवक, पदाधिकाऱ्यांना सन्मानाची वागणूक देत नसल्याची तक्रार मुख्यमंत्र्यांकडे करून पीएमपीएमएल मधून पीसीएमटी वेगळी करण्याची मागणी करणार असल्याचे महापौर राहुल जाधव यांनी प्रसिध्दीस दिलेल्या पत्रकात म्हटले आहे.