पिंपरीत लाइट रेल्वे धावणार

पिंपरी-चिंचवडमधील उच्च क्षमता वर्तुळाकार मार्गावर (एचसीएमटीआर) मेट्रोपेक्षा कमी खर्चात धावणारी 'लाइट मेट्रो'चे नियोजन केले जात असून, त्याचा आराखडा महाराष्ट्र मेट्रो रेल्वे कॉर्पोरेशनतर्फे (महामेट्रो) तयार केला जाणार असल्याचे मुख्यमंत्री देवेंद्र फडणवीस यांनी शनिवारी जाहीर केले. यामुळे पुण्यासह पिंपरीमधील वाहतुकीचा प्रश्न कायमचा सुटेल, अशी शक्यता त्यांनी वर्तवली.