गृहप्रकल्पाशेजारी भंगाराचा ढीग; नागरिकांचे आरोग्य धोक्यात

मोशी- मोशी येथील इंद्रायणी नदीच्या किनारी असलेल्या रिव्हर रेसिडेन्सी गृहप्रकल्पाच्या शेजारी भंगार व्यावसायिक आणि स्थानिक पदाधिकारी मोठ्या प्रमाणात भंगार साहित्य टाकत आहेत. हा संपूर्ण कचरा रिव्हर रेसिडेन्सीच्या तळ्यामध्ये टाकण्याचा मानस असल्याने याचा स्थानिक नागरिकांच्या आरोग्यावर मोठा परिणाम होण्याचा तसेच यामळे प्रदूषणाचा धोका वाढला आहे. स्थानिक नागरिक विजय सूर्यवंशी म्हणाले, रिव्हर रेसिडेन्सीच्या बाजूला सोसायटीचा रेन वॉटर हार्वेस्टिंग प्रकल्प आहे. यासाठी सोसायटीकडून एका नैसर्गिक तळ्याची निर्मिती करण्यात आली आहे.