घनकचरा व्यवस्थापन शुल्कामुळे नागरिकांची लुट

पिंपरी चिंचवड ः महापालिकेने शहरातील पाच हजार स्क्वेअर मीटर क्षेत्रफळाच्या पुढील सर्व सोसायटीमधील फ्लॅट धारकांना घनकचरा व्यवस्थापन शुल्काच्या नावाखाली प्रति फ्लॅट प्रति महिना सरासरी शंभर रुपये आकारण्याचा प्रस्ताव दाखल केलेला आहे. शहरातील सोसायट्यांना लागू करण्यात येणार्‍या प्रस्तावित घनकचरा व्यवस्थापनाच्या शुल्काला विरोध असून ही प्रक्रिया पूर्ण होईपर्यंत घनकचरा व्यवस्थापन शुल्क हा प्रस्ताव स्थगित करण्यात यावा, अशी मागणी नगरसेवक विठ्ठल उर्फ नाना काटे यांनी आयुक्त श्रावण हर्डीकर यांच्याकडे लेखी निवेदनाद्वारे केली आहे.