गरिबांचे उपचार नाकारणार्‍या संचेती रुग्णालयावर कारवाई करा ः लक्ष्मण जगताप

पिंपरी ः पुणे, शिवाजीनगर येथील संचेती मल्टीस्पेशालिटी हॉस्पिटल हे शासनाच्या जागेत उभे असल्याने धर्मादाय रुग्णालय आहे. हाडांच्या आजारांवर सर्व प्रकारचे उपचारांसाठी हे रुग्णालय प्रसिद्ध आहे. रुग्णालयात आर्थिक दुर्बल घटकांतील रुग्णांवर मोफत उपचार करणे कायद्याने बंधनकारक असताना अशा रुग्णांना नाकारले जाते. ही सरकारची फसवणुक असून रुग्णालयावर कायदेशीर कारवाई करण्यात यावी, अशी मागणी भाजप शहराध्यक्ष व आमदार लक्ष्मण जगताप यांनी धर्मादाय आयुक्तांकडे केली आहे. यासंदर्भात धर्मादाय आयुक्त यांना निवेदन देण्यात आले आहे.