घरमालकांनो भाडेकरुंना तीन महिन्याचे भाडे आकारू नका, राज्य सरकारचा आदेश

करोनाच्या वाढत्या पार्श्वभूमीवर देशभरात लॉकडाउन वाढवण्याचा निर्णय घेण्यात आला आहे. या पार्श्वभूमीवर भाड्याच्या घरात राहणाऱ्यांना शासनाकडून दिलासा देण्याच्या प्रयत्न करण्यात आला आहे. घरभाडे वसुली किमान तीन महिने पुढे ढकलावी, घरभाडे भरले नाही म्हणून किंवा घरभाडे थकल्याने कुणालाही घराबाहेर काढू नये, अशा सूचना गृहनिर्माण विभागामार्फत राज्यातील घरमालकांना करण्यात आल्या आहेत.