पिंपरीत महापौरांच्या चालकाला दंड

पिंपरीत महापौरांच्या चालकाला दंड: पिंपरी - महापौर आणि शिक्षण मंडळाचे सभापती यांच्यासह महापालिकेच्या सहा अधिकाऱ्यांच्या मोटारींच्या काचांना लावलेल्या काळ्या फिल्म वाहतूक पोलिसांनी गुरुवारी काढून टाकल्या. तसेच नियमभंगाबद्दल या मोटारींच्या चालकांना प्रत्येकी शंभर रुपये दंडही केला. वाहनांना काळ्या काचा लावल्याबद्दल एरव्ही सर्वसामान्यांविरुद्ध दंडात्मक कारवाई करणाऱ्या वाहतूक पोलिसांनी आपला मोर्चा सरकारी कार्यालये आणि अधिकाऱ्यांकडे वळविल्याने जनसामान्यांनी या मोहिमेचे स्वागत केले. महापौर मोहिनी लांडे यांनी मात्र आपल्या शासकीय वाहनावर अशी कारवाई झाल्याचा इन्कार केला.