‘काळा कारभार’ पारदर्शक!

‘काळा कारभार’ पारदर्शक!: - ‘लोकमत’च्या पर्दाफाशनंतर आली जाग
- पिंपरी-चिंचवड महापौर, जिल्हाधिकार्‍यांसह २५३ शासकीय वाहनांवरील काळ्या काचा काढल्या
पुणे। दि. १४ (प्रतिनिधी)

सामान्यांवर कारवाईचा बडगा आणि अधिकारी-राजकारण्यांच्या मोटारीच्या काळ्या काचांकडे डोळेझाक करण्याच्या प्रकाराचा ‘लोकमत’ने पर्दाफाश केल्यानंतर आज पोलिसांनी काळ्या काचा असलेल्या गाड्यांवर कारवाई केली. पिंपरी-चिंचवडच्या महापौर मोहिनी लांडे, जिल्हाधिकारी विकास देशमुख यांच्या मोटारीही या कारवाईतून सुटल्या नाहीत.