महापौरांच्या दाखल्यावर तीन ऑगस्टला सुनावणी

पिंपरी - महापौर नितीन काळजे यांच्या कुणबी जात दाखल्याबाबत जिल्हा जात प्रमाणपत्र पडताळणी समितीच्या दक्षता पथकाने त्यांना ‘क्‍लीन चिट’ देणारा अहवाल दिला आहे. ज्या मूळ कागदपत्रांच्या आधारे हा अहवाल दिला, ती कागदपत्रे द्यावी. संबंधित कागदपत्रे तपासल्यानंतरच याबाबत पुढील भूमिका मांडता येईल, असा युक्तिवाद तक्रारदार घनश्‍याम खेडकर यांच्या वकिलाने बुधवारी समितीसमोर झालेल्या सुनावणीत केला. त्यामुळे आता या प्रकरणाची अंतिम सुनावणी तीन ऑगस्टला होणार आहे.